FindHow сборник различных поздравлений на казахском языке.
Қазағымның ардақты келіндері Ақсақалға ұсынып төрін берді, Алғысына бөленіп көңілдері. Жасы үлкенге жаңылмай сәлем салған, Қазағымның ардақты келіндері. Үлкен үйден іргесі бөлінбеді, Бір сыйластық арада өрілгені. Абысынмен ас-суы ажырамас, Қазағымның ардақты келіндері. Қосылған соң жүрекпен өмірлері, Риясыз жарасар сенімдері. Отағасын қашан да пір тұтатын, Қазағымның ардақты келіндері. Еркелетіп ат қойып егілгені, Жүрегінен ықылас төгілгені. Қайынсіңіл,қайнының қамын ойлар, Қазағымның ардақты келіндері. Бірлік артса береке еліңдегі, Керегеңнің кеңінен керілгені. Ұрпақ жібін жалғайтын ұлтқа лайық, Қазағымның ардақты келіндері. авторы: Ғабиден ҚОЖАХМЕТ, Қызылорда қаласы
Ағайынға қамқор, бауырға мейірімді, жайсаң да жайдарлы келінімізге әлемдегі бар жақсылықты, дүниенің шуағын, өмірдің жырын, жүрегіне Алланың нұрын тілейміз. Алла жолын ақ, көңілін асқақ, жүрегін уайымсыз, арманын айқын, мақсатын жарқын етсін.
Отша лаула, сөнбегін,
Еш жамандық көрмегін.
Қосағыңмен қоса ағар,
Құтты болсын қадамың,
Келін болдың, қарағым.
Салтын ұста, ардақта,
Үлкен ата-бабаңның.
Ошақтан от кетпесін,
Үйіңнен көп кетпесін,
Адал болғын жарыңа,
Лаула, оттай, жалында!
Әумин!
Қадірлі жезде!
Сізді бүгін алпыстың төрінен, абыройдың бигінен көріп отырғанымызға қуаныштымыз. Бұл төрге қалай шыққаныңыз, биікке қалай көтерілгеніңіз біздің көз алдымызда, көңілімізде. Сіздің қаншалықты асқақ болған сайын, соншалықты биязы кісілік, кішілілік қасиеттеріңізді ел алдында үнемі үлгі етіп айтып жүреміз, ағайын мақтан етіп келеді.
Адамда үш қуаныш болады деген халықтың даналық сөзі бар. Олар – алғыс алу, өзіңді көптің іздеуі және ісіңнің өшпеуі екен. Бүгін біз осының бәрін Сіздің өз басыңыздан, отбасыңыздан, ортаңыздан көреміз.
Сіздің төңірегіне нұрын төгетін жарық шамдай ашық та көпшіл, бауырмалдық қасиеттеріңізді біз үнемі сезініп келеміз. Мұны Сізбен жанасқан әрбір жанның сезінбеуі мүмкін емес деп ойлаймын. Нақ осы мінез байлығы, парасат кеңдігі, қабілет құнары Сізді бүгінгі күні туған елдің, өскен ортаның, еңбектес ұжымның, әріптестеріңіздің терең де зор құрметіне бөлеп отыр.
Апайымыз мәртебелі қызметті тыңғылықты атқарумен қатар Сіздің бабыңызды таба білген жайлы мінезі, елгезектігі өз алдына бөлек әңгіме. Сондықтан халқымыз айта берер үш биік: даңқ, дәулет, даналық тоғысқан, ердің жасы алпысқа келіп толысқан шағыңызда шалқар тойыңызға құтты болсын айтамыз, қуанамыз.
Алла тағала осы абыройыңыздан айырмасын, елім, Отаным деп соққан жүрегіңіз қартаймасын. Апайыма екеуіңіз көпке жасаған игі істеріңіздің, балаларға жұмсаған бейнеттеріңіздің жемісін көре беріңіздер.
Құрметпен,
балдызыңыз
Сізді адам өмірінің айтулы белесі 60 жасқа толуыңызбен шын жүректен құттықтаймыз! Сіздер өз замандарыңызда елге, халыққа қызмет еткен, ұрпақ өсірген буынсыздар. Енді соның жемісін –бейнеттің зейнетін көрер кез келді. Бұл әркімнің-ақ қызығар тойы. Үлкені бар үйдің құты бар. Біздің қадірменді Жеңгеміз ретінде Өзіңізді ортамыздың құты, ағайынның ырысы, бала-шағаның берекесі деп білеміз. Үлкені бар елдің қазынасы бар деп бекер айтылмаған. Сізге әрқашанда зор денсаулық, ұзақ жас, өмірдің, ұрпақтың қызығын көре беруді тілейміз.
Нәзіктік бойыңызға жарасқандай,
Бикештер өзіңізбен таласқандай.
Келбет пен жан сұлулық қатар келіп,
Тәңірім барын сала қарасқандай.
Жанары төгетұғын ерекше нұр,
Жеңгейге арналады бөлекше жыр.
Бүгінгі туған күнің құтты болсын!
Құлпырып шыға келші белеске бір!
Жыл сайын қуанышқа бөленіңіз,
Бақытқа отбасылық кенеліңіз!
Жұмыста еңбегіңіз бағаланып,
Шаттықта, қуанышқа кенеліңіз!
Ертелі-кеш тынбастан томпаңдайтын, жеңешем,
Қас-қабаққа қарайлап жаутаңдайтын жеңешем.
Қыз Жібектің өзі деп аға алған,жеңешем,
Пері ме? деп көпшілік аң-таң қалған, жеңешем.
Жерге тиер тік тұрсаң қолаң шашың,жеңешем,
Еске салар Айды қалам қасың, жеңешем.
Талай жігіт қалды-ау Әттең-айлап, жеңешем,
Бұйырмастан біздерге кеткені-айлап, жеңешем.
Ыстық буы палаудың шұбатылды, жеңешем.
Қыз-ғұмырың кейіннен ұзатылды, жеңешем.
Енді отырсың үйіңнің құрап басын, жеңешем.
Төртеу еттің ағамның бір-ақ басын, жеңешем.
Әлі күнге қайныңыз сүр бойдақ жүр, жеңешем,
Сұлу сіңлің болса егер бізді ойлап жүр, жеңешем.
Сөз таба алмай қыздарға отырамын, жеңешем,
Қол ұстатсаң ар жағын қатырамын, жеңешем...
Ашып өмір есігін нұрланды күн,
Шашу шаштық сол үшін жырдан бүгін.
Өзіңе де, өзгеге шуақ сыйлар,
Құтты болсын, _______, туғанкүнің!
Бақытты отбасының кеш ғұмырын,
Өмір өзі жазады отты жырын.
_______ дәм-тұзың құп жарасып,
Ақ сүтіңді ақтасын құлындарың.
Біраз болды ауылға бармағалы-ай,
Денсаулығы жездемнің қазір қалай...
Күләш апамның демдеген күрең шайын
Ұрттап ішіп жатыр ма жантайып-ай.
Азат, Біләл, Бауыржан тату – тәтті бажалар
Балдыз деген жездесін, әкесіндей бағалар
Қарындасым қызым деп ағасындай аялар
Жақсы болса жезделер жаза берсек табылар
Бізді жазбай кетті кейбіреуі наз қылар
Түсінсеңдер күйеулер, ақылға салып барлығын
Жаман күйеу шу қылар,
Ақылды күйеу анықтап, жоқ нәрсені бар қылар
Тату – тәтті туысқан бәрін ойлап ар қылар.
Ашып өмір есігін нұрланды күн,
Шашу шаштық сол үшін жырдан бүгін.
Өзіңе де, өзгеге шуақ сыйлар,
Құтты болсын, _______, туғанкүнің!
Бақытты отбасының кеш ғұмырын,
Өмір өзі жазады отты жырын.
_______ дәм-тұзың құп жарасып,
Ақ сүтіңді ақтасын құлындарың.
